Grupo Dixie – 23 de abril · Praza de Compostela
A enerxía do dixieland inundou a Praza de Compostela o 23 de abril cunha actuación chea de ritmo e bo humor. O Grupo Dixie de Mayeusis, formado por David González (trombón), Plácido Martínez (trompeta), Xeila Martínez (clarinete), Carlos A. Fernández (tuba), Jorge Barrero (guitarra eléctrica) e Diego Orge (batería), ofreceu un repertorio vibrante que fixo as delicias do público. Nunha mañá de tempo espléndido, unha das interpretacións máis aplaudidas foi a súa versión de Hello Dolly, do gran Louis Armstrong. Completou a escena o bailarín Aitor Mumbrú, cunha posta en escena chea de movemento e carisma.
