O 19 de setembro de 2024, o Teatro Afundación de Vigo acollerá o II Encontro – Concerto do ciclo “Conexións 2024”. Este evento especial contará coa participación de recoñecidas formacións musicais como a Dixie Band Sant Andreu, a Imagine Jazz Orchestra, e o artista Edu Ferrer, quen ofrecerá un tributo a Frank Sinatra. A dirección artística estará a cargo do prestixioso Joan Chamorro.
Ademais, durante o evento terá lugar a presentación oficial do Himno ás “Xentes de Vigo”, titulado Fillos da Choiva e do Mar, composto e dirixido por Ernesto Campos, unha peza que celebra a esencia e identidade da cidade olívica.
As entradas para este concerto poderán adquirirse en Ataquilla a partir de 3 euros. Non perdas a oportunidade de gozar desta noite inesquecible que mesturará jazz, música clásica e folk nunha única velada que conectará os asistentes coa riqueza musical de Vigo.
MEDIOS
